პროტეზირება იმპლანტებზე – All-on-4 და All-on-6

თანამედროვე სტომატოლოგიაში სრული კბილთა რიგის აღდგენის ერთ–ერთ ყველაზე ეფექტურ და კომფორტულ მეთოდად ითვლება იმპლანტებზე დაფუძნებული პროტეზირება. მეთოდები All-on-4 და All-on-6 საშუალებას იძლევა სრულად აღდგეს კბილთა რიგი მცირე რაოდენობის იმპლანტების გამოყენებით, რაც პაციენტს უბრუნებს ბუნებრივ ღიმილს, ფუნქციასა და ცხოვრების ხარისხს.

კლინიკა „დენსში“ ეს პროცედურა ტარდება თანამედროვე ციფრული ტექნოლოგიების გამოყენებით, რაც უზრუნველყოფს მაქსიმალურ სიზუსტეს, უსაფრთხოებასა და პროგნოზირებად შედეგს.

All-on-4

All-on-4 მეთოდი გულისხმობს სრულად დაკარგული კბილების აღდგენას ოთხი დენტალური იმპლანტის მეშვეობით. იმპლანტები სპეციალური კუთხით თავსდება ყბაში, რაც შესაძლებელს ხდის ძვლის მაქსიმალურად ეფექტურ გამოყენებას და ხშირ შემთხვევაში დამატებითი ძვლის პლასტიკის თავიდან აცილებას.

ამ ოთხ იმპლანტზე ფიქსირდება სრული პროთეზი, რომელიც ფუნქციურად და ესთეტიკურად ბუნებრივ კბილებს მაქსიმალურად ჰგავს.

All-on-6

All-on-6 მეთოდი წარმოადგენს იმავე კონცეფციის გაფართოებულ ვარიანტს, სადაც პროთეზი ექვს იმპლანტზე ფიქსირდება. იმპლანტების მეტი რაოდენობა უზრუნველყოფს დამატებით სტაბილურობას, დატვირთვის თანაბარ გადანაწილებას და განსაკუთრებით რეკომენდებულია იმ პაციენტებისთვის, რომელთაც მაღალი ღეჭვითი დატვირთვა აქვთ ან ძვლის მოცულობა ამის საშუალებას იძლევა.

უპირატესობები

იმპლანტებზე ფიქსირებულ პროთეზირებას მრავალი მნიშვნელოვანი უპირატესობა აქვს:

სრულად აღადგენს ღეჭვის ფუნქციას
უზრუნველყოფს ბუნებრივ ესთეტიკას და ჰარმონიულ ღიმილს
არ საჭიროებს მოსახსნელ პროთეზებს
სტაბილურად ფიქსირდება და კომფორტულია ყოველდღიურ ცხოვრებაში
იცავს ყბის ძვალს ატროფიისგან
მნიშვნელოვნად აუმჯობესებს ცხოვრების ხარისხს

კლინიკა „დენსში“ პროთეზირება იმპლანტებზე ტარდება ინდივიდუალური მკურნალობის გეგმის საფუძველზე. თანამედროვე დიაგნოსტიკისა და მაღალი ხარისხის მასალების გამოყენებით შესაძლებელია პაციენტისთვის ფუნქციურად სრულყოფილი, ესთეტიკურად მიმზიდველი და გრძელვადიანი შედეგის მიღწევა.