კბილის ამოღება (ექსტრაქცია) სტომატოლოგიურ პრაქტიკაში ერთ–ერთი ყველაზე გავრცელებული ქირურგიული პროცედურაა. სტომატოლოგიურ კლინიკათა ქსელ „დენსში“ ტარდება ყველა სირთულის კბილის ექსტრაქცია თანამედროვე მეთოდებით და უახლესი ტექნოლოგიების გამოყენებით.

პროცედურის დროს ვიყენებთ ინოვაციურ აპარატს — პიეზოტომს, რომელიც უზრუნველყოფს მაქსიმალურად ფრთხილ და ნაკლებად ტრავმატულ ჩარევას. ამ ტექნოლოგიის დახმარებით კბილის ამოღება ხდება უფრო ზუსტად და უსაფრთხოდ, რაც მნიშვნელოვნად ამცირებს ქსოვილების დაზიანებას.

შედეგად, პოსტექსტრაქციული (რეაბილიტაციის) პერიოდი უფრო მოკლე და კომფორტულია. პაციენტების უმეტესობას ნაკლებად აღენიშნება ტკივილი, შეშუპება და კბილის ამოღებასთან დაკავშირებული დისკომფორტი, ხოლო შეხორცების პროცესი სწრაფად და გართულებების გარეშე მიმდინარეობს.