სტომატოლოგიური კლინიკების ქსელი „დენსი“ პაციენტებისთვის მომსახურების ხარისხისა და ხელმისაწვდომობის კიდევ უფრო გასაზრდელად ახალ მნიშვნელოვან პარტნიორობას იწყებს.

2026 წლის თებერვალში სტომატოლოგიური კლინიკების ქსელ „დენსსა“ და ფრანგულ–გერმანულ ხუჯაძე–გოგნიაშვილის ყელ–ყურ–ცხვირის კლინიკას შორის გაფორმდა ურთიერთთანამშრომლობის მემორანდუმი, რომლის მიზანია პაციენტებისთვის სტომატოლოგიური მომსახურების ხელმისაწვდომობის გაზრდა, მომსახურების ხარისხის გაუმჯობესება და თანამედროვე, უსაფრთხო სტანდარტების შესაბამისი სამედიცინო გარემოს უზრუნველყოფა.

თანამშრომლობის ფარგლებში განსაკუთრებული ყურადღება დაეთმობა იმ პაციენტებს, რომელთაც სტომატოლოგიური მანიპულაციების ჩატარება ზოგადი ანესთეზიის პირობებში ესაჭიროებათ. ასეთ შემთხვევებში სტომატოლოგიური და ანესთეზიოლოგიური მომსახურება განხორციელდება ერთობლივად, ხუჯაძე–გოგნიაშვილის კლინიკის ბაზაზე, რაც პაციენტებს უზრუნველყოფს მაქსიმალურად უსაფრთხო, ტექნოლოგიურად აღჭურვილ და საერთაშორისო სტანდარტებთან შესაბამის გარემოში მიღებული მკურნალობით.

პარტნიორობის შედეგად პაციენტები მიიღებენ:

• სტომატოლოგიური მომსახურების უფრო ფართო ხელმისაწვდომობას;
• მაღალი ხარისხის, მრავალპროფილური სამედიცინო მომსახურებას;
• უსაფრთხო და თანამედროვე სამედიცინო გარემოში ჩატარებულ მკურნალობას.

ურთიერთთანამშრომლობის მემორანდუმს ხელი მოაწერეს ხუჯაძე–გოგნიაშვილის ყელ–ყურ–ცხვირის კლინიკის თანადამფუძნებლებმა მიხეილ ხუჯაძემ და გიორგი გოგნიაშვილმა, ხოლო სტომატოლოგიური კლინიკების ქსელ „დენსის“ მხრიდან – დირექტორმა გიორგი ქოჩიაშვილმა.

აღნიშნული პარტნიორობა კიდევ ერთი მნიშვნელოვანი ნაბიჯია „დენსის“ მიზნისკენ — პაციენტებისთვის თანამედროვე, უსაფრთხო და მაღალი ხარისხის სტომატოლოგიური მომსახურების შეთავაზების მიმართულებით.