ორთოპედია
სტომატოლოგიური კლინიკების ქსელი „დენსი“ წარმოადგენს საქართველოში ერთ–ერთ ყველაზე ფართო და განვითარებულ სტომატოლოგიურ ქსელს, რომელიც აქტიურად არის ჩართული როგორც კლინიკური მომსახურების, ასევე პროფესიული განათლების განვითარების პროცესში.
კლინიკა „დენსი“ ახორციელებს კერძო სარეზიდენტურო პროგრამას ორთოპედიულ სტომატოლოგიაში, რომლის წარმატებით დასრულების შემდეგ კურსდამთავრებულებს გადაეცემათ თბილისის სახელმწიფო სამედიცინო უნივერსიტეტის (თსსუ) დიპლომი. პროგრამა ორიენტირებულია ახალგაზრდა ექიმ–სტომატოლოგების პროფესიული კვალიფიკაციის გაღრმავებაზე და მათთვის თანამედროვე ორთოპედიული სტომატოლოგიის კლინიკური და თეორიული საფუძვლების სრულყოფილ შესწავლაზე.
რეზიდენტურის პროგრამის საერთო ხანგრძლივობა შეადგენს 15 თვეს, რომელიც მოიცავს:
- თეორიულ ნაწილს – 6 თვე
- პრაქტიკულ ნაწილს – 9 თვე
პროგრამაში ყოველწლიურად მონაწილეობას იღებს 15 რეზიდენტი, რაც უზრუნველყოფს ინდივიდუალური მიდგომისა და პრაქტიკული სწავლების მაღალ ხარისხს.
თეორიული კურსი მოიცავს შემდეგ მიმართულებებს:
- მასალათმცოდნეობა – თანამედროვე სტომატოლოგიური მასალების თვისებებისა და კლინიკური გამოყენების საფუძვლები;
- მოუხსნელი პროთეზირება – მეტალოკერამიკული, ცირკონოკერამიკული და პრესკერამიკული კონსტრუქციები, ასევე ციფრული CEREC ტექნოლოგიით დამზადებული ორთოპედიული რესტავრაციები;
- იმპლანტოლოგია – იმპლანტებზე ორთოპედიული რეაბილიტაცია, მათ შორის პირდაპირი და გადავადებული დატვირთვის პროტოკოლები;
- მოსახსნელი პროთეზირება – სრული, ნაწილობრივი და ბიგელისებური პროთეზები, მათ შორის Bio Dentaplast სისტემის კონსტრუქციები და იმპლანტებზე დაფიქსირებული მოსახსნელი პროთეზები;
- სატექნიკო საქმე – სტომატოლოგ–ორთოპედის პროფესიული კომპეტენციები ლაბორატორიულ პროცესებთან თანამშრომლობის ფარგლებში.
პრაქტიკული კურსი მოიცავს:
- თეორიულ სწავლებასთან პარალელურად რეზიდენტები მუშაობენ ექიმ–სტომატოლოგების ასისტენტებად, რაც მათ საშუალებას აძლევს გაეცნონ მრავალფეროვან კლინიკურ შემთხვევებს და მიიღონ პრაქტიკული გამოცდილება;
- პრაქტიკული ეტაპის დაწყებისას რეზიდენტები დამოუკიდებლად იღებენ პაციენტებს, თუმცა მკურნალობა მიმდინარეობს გამოცდილ ექიმთა მუდმივი მეთვალყურეობის ქვეშ;
- სასწავლო პროცესში გამოიყენება იმავე მაღალი ხარისხის მასალები, ტექნოლოგიები და კლინიკური პროტოკოლები, რომლებიც დანერგილია კლინიკა „დენსში“;
- რეზიდენტები სრულად უზრუნველყოფილნი არიან ყველა საჭირო მასალითა და ინსტრუმენტით, რომელსაც უზრუნველყოფს კლინიკა;
- პროგრამის დასრულების შემდეგ საუკეთესო რეზიდენტებს ეძლევათ შესაძლებლობა გარკვეული პერიოდის განმავლობაში გააგრძელონ პროფესიული საქმიანობა კლინიკა „დენსის“ ქსელში;
- სასწავლო პროგრამა დამატებით მოიცავს პრეზენტაციებს, პროფესიულ კურსებსა და ტრენინგებს, რაც უზრუნველყოფს თანამედროვე ცოდნისა და უნარების სისტემურ განვითარებას.
ორთოპედიული რეზიდენტურის ლოკალური ხელმძღვანელია:
ექიმი–ორთოპედი გენო ჯიქია.
პროგრამის ხელმძღვანელია:
მედიცინის დოქტორი, საქართველოს იმპლანტოლოგთა ასოციაციის ვიცე–პრეზიდენტი გიორგი ქოჩიაშვილი.
თერაპია
სტომატოლოგიური კლინიკების ქსელი დენსი ყველაზე ფართო ქსელია საქართველოში და საქართველოს 3 ქალაქში 5 კლინიკითაა წარმოდგენილი.
- სწავლის ხანგრძლივობა – 11 თვე
თეორიული ნაწილი – 4 თვე - პრაქტიკული ნაწილი -9 თვე
- ყოველთვიური შეფასების მიხედვით, მაღალი რეიტინგის მქონე რეზიდენტები იმუშავებენ დამატებით 2 თვე
კურსი მოიცავს:
- კოფერდამის სისტემით აქტიურ მუშაობას
- პაროდონტოლოგიის მოდულის ფარგლებში წმენდას უახლესი შვეიცარიული აპარატით EMS AIR-FLOW MASTER PIEZON.
- ენდომოტორით მუშაობას ენდოდონტიაში ( როტაციული – 5 ფაილიანი სისტემით მუშაობა)
- პორტატული ვიზიოგრაფის, ორალ–კამერის, აპექს–ლოკატორის გამოყენება
- ესთეტიკური ბჟენებით რესტავრაციების შესრულება (Profill , Estelite E Quick და ა.შ)
- შიდა მასტერ–კლასებზე უფასო დასწრება (მასტერ–კლასებს ჩაატარებენ მაღალკვალიფიციური და გამოცდილი ექიმები–სტომატოლოგები.
- პაროდონტოლოგიაში – თანამედროვე, ევროპული სტანდარტებით მკურნალობის მეთოდები; აპარტის „Florida Probe“ მუშაობის გაცნობა – შესწავლა. პაროდონტოლოგიურ ოპერაციებზე დასწრება, ასისტენტირება
- იმპლანტაციის ოპერაციებზე დასრწება, ასისტენტირება
- ექიმის ასისტენტად მუშაობის შესაძლებლობა სურვილის მიხედვით
- წარმატებული რეზიდენტებისათვის რეზიდენტურის კურსის გასვლის შემდეგ 6 თვიანი სტაჟირება დენსში
- პროფესიული მზადება ბავშვთა თერაპიულ სტომატოლოგიაში
- საუკეთესო რეზიდენტს კლინიკა შესთავაზებს სამსახურს.
თერაპიული რეზიდენტურის ლოკალური ხელმძღვანელია:
ექიმი – მაია ჯიღაური
პროგრამის ხელმძღვანელია:
მედიცინის მეცნიერებათა დოქტორი – ეკატერინე გასვიანი
ორთოდონტია
სტომატოლოგიური კლინიკების ქსელი „დენსი“ ახორციელებს სარეზიდენტურო პროგრამას ორთოდონტიის მიმართულებით, რომლის მიზანია ახალგაზრდა ექიმ-სტომატოლოგებისთვის თანამედროვე ორთოდონტიული მკურნალობის თეორიული ცოდნისა და პრაქტიკული უნარების სისტემური განვითარება. პროგრამა ეფუძნება საერთაშორისო კლინიკურ სტანდარტებს და ორიენტირებულია როგორც დიაგნოსტიკური, ისე მკურნალობის თანამედროვე მეთოდების სრულყოფილ ათვისებაზე.
ორთოდონტიული რეზიდენტურის პროგრამის საერთო ხანგრძლივობა შეადგენს 22 თვეს. სასწავლო პროცესი აგებულია ინტეგრირებული მოდელით, რომლის ფარგლებში თეორიული სწავლება და პრაქტიკული საქმიანობა პარალელურად მიმდინარეობს. აღნიშნული მიდგომა რეზიდენტებს საშუალებას აძლევს ცოდნა დაუყოვნებლივ გამოიყენონ კლინიკურ პრაქტიკაში და ეტაპობრივად განივითარონ პროფესიული კომპეტენციები.
სწავლების საწყის ეტაპზე რეზიდენტები აქტიურად მონაწილეობენ კლინიკურ პროცესში და ეცნობიან სხვადასხვა ტიპის ორთოდონტიულ შემთხვევებს. პროფესიული ცოდნისა და პრაქტიკული გამოცდილების დაგროვების შემდეგ მათ ეძლევათ შესაძლებლობა დამოუკიდებლად მართონ საკუთარი პაციენტები, თუმცა მკურნალობის ყველა ეტაპი მიმდინარეობს გამოცდილი ექიმების მუდმივი მეთვალყურეობის ქვეშ.
პროგრამის მნიშვნელოვანი კომპონენტია როტაციის პრინციპი, რომლის ფარგლებში რეზიდენტები სწავლობენ და პრაქტიკას გადიან ოთხ სხვადასხვა ორთოდონტთან, რაც მათ აძლევს შესაძლებლობას გაეცნონ მკურნალობის სხვადასხვა კლინიკურ მიდგომასა და პროფესიულ გამოცდილებას.
კლინიკური პრაქტიკის დროს რეზიდენტები იყენებენ იმავე მაღალი ხარისხის მასალებსა და ტექნოლოგიებს, რომლებიც დანერგილია კლინიკა „დენსის“ ყოველდღიურ სამედიცინო საქმიანობაში. ამასთანავე, რეზიდენტების მიერ განხორციელებული მკურნალობა პაციენტებისთვის ხელმისაწვდომია შედარებით დაბალ ფასად, რაც ქმნის დამატებით შესაძლებლობას ფართო პაციენტთა ჯგუფისთვის მიიღონ თანამედროვე ორთოდონტიული მომსახურება.
ორთოდონტიული რეზიდენტურის პროგრამის ხელმძღვანელია:
მედიცინის დოქტორი ნატალია ზოდელავა.
სტომატოლოგიური კლინიკათა ქსელი დენსი აქტიურად უჭერს მხარს პროფესიული ცოდნის განვითარებას და თანამედროვე სტანდარტების დანერგვას სტომატოლოგიაში. ამ მიზნით, პარტნიორ ორგანიზაციებთან ერთად ტარდება ჯეოპერიოს აკრედიტებული საგანმანათლებლო კურსები, რომლებიც გათვლილია პრაქტიკოსი სტომატოლოგების პროფესიული კვალიფიკაციის ამაღლებაზე და ითვალისწინებს უპგ (უწყვეტი პროფესიული განათლების) ქულების მინიჭებას.
კურსები მოიცავს როგორც თეორიულ, ისე პრაქტიკულ ნაწილს და ეხმარება ექიმებს ყოველდღიურ კლინიკურ პრაქტიკაში თანამედროვე მიდგომების დანერგვაში.
ხელმისაწვდომი კურსები
პროფესიული გადაწვა სტომატოლოგებისთვის
- სპიკერი: მაია იმერლიშვილი
- პროგრამის ხანგრძლივობა: 1 დღე
- სასწავლო დრო: 6 საათი
- მინიჭებული ქულები: 6 უპგ ქულა
რბილი ქსოვილების მართვა იმპლანტების გარშემო და პერიიმპლანტიტის მენეჯმენტი
- სპიკერი: დავით ფანჩულიძე
- პროგრამის ხანგრძლივობა: 2 დღე
- სასწავლო დრო: 6–6 საათი
- მინიჭებული ქულები: 12 უპგ ქულა
პირის ღრუს ლორწოვანი გარსის დაავადებების მართვა
- სპიკერი: თათია ქოჩლაძე
- პროგრამის ხანგრძლივობა: 3 დღე
- სასწავლო დრო: 6–6–6 საათი
- მინიჭებული ქულები: 18 უპგ ქულა
პაროდონტოლოგიის კავშირი თერაპიულ სტომატოლოგიასთან
- სპიკერები: თამარ გოლუბიანი, ნათია რობაქიძე
- პროგრამის ხანგრძლივობა: 2 დღე
- სასწავლო დრო: 6–6 საათი
- მინიჭებული ქულები: 12 უპგ ქულა
პირველადი გადაუდებელი დახმარება სტომატოლოგიაში
- სპიკერი: ლადო კვაჭაძე
- პროგრამის ხანგრძლივობა: 2 დღე
- სასწავლო დრო: 6–6 საათი
- მინიჭებული ქულები: 12 უპგ ქულა
პაციენტთან კომუნიკაციის მართვა სტომატოლოგიაში
- სპიკერი: სოფია მამესწარაშვილი
- პროგრამის ხანგრძლივობა: 2 დღე
- სასწავლო დრო: 3–3 საათი
- მინიჭებული ქულები: 6 უპგ ქულა
ორგანიზატორები
- ჯეოპერიოს ასოციაციის პრეზიდენტი: ანა თავართქილაძე
- ოფის მენეჯერი: ნათია ნიავაძე
ჯეოპერიოს აკრედიტებული კურსები მიზნად ისახავს სტომატოლოგების პროფესიული უნარების გაღრმავებას, თანამედროვე კლინიკური მიდგომების დანერგვას და პაციენტებისთვის მაღალხარისხიანი სტომატოლოგიური მომსახურების უზრუნველყოფას.