პაროდონტის დაავადებები

პაროდონტის დაავადებები და მათი მკურნალობა

პაროდონტი ეს არის კბილისირგვლივ ქსოვილთა კომპლექსი, რომელიც მოიცავს: ღრძილს, ალვეოლის ძვლოვან ქსოვილს, პერიოდონტს (ქსოვილი რომელიც აკრავს კბილის ფესვს და აკავშირებს მას ყბის ძვალთან) და კბილის დუღაბს.

პაროდონტის დაავადებები გულისხმობს პაროდონტის ქსოვილებიდან ერთ-ერთი, რამოდენიმე ან ყველა ქსოვლის ანთებით ან არაანთებით დაავადებებს.

მხოლოდ ღრძილების ანთებას ეწოდება – გინგივიტი, პაროდონტის ქსოვილების (ღრძილი, პერიოდონტი, ძვლოვანი ქსოვილი) ანთებას ეწოდება – პაროდონტიტი, ხოლო პაროდონტის ქსოვილების არაანთებით დაზიანებას ეწოდება – პაროდონტოზი. ამ დაავადებების დიაგნოსტიკას ახდენს ექიმი-პაროდონტოლოგი, ადგენს მათ გამომწვევ მიზეზებს და მკურნალობს შესაბამისი გეგმის მიხედვით.

პაროდონტის დაავადებები ძალიან ხშირია. გ.ბარეირის კვლევით, მოსახლეობის მხოლოდ 12%-ს აქვს ჯანსაღი პაროდონტი. პაროდონტის დაავადებები შეიძლება გამოვლინდეს ნებისმიერ ასაკში. მათი გამომწვევი მიზეზი შეიძლება იყოს პირის ღრუს მდგომარეობა (ნადები, არასწორი თანკბილვა, კარიესული კბილები), მავნე ჩვევები (მოწევა, ჩხირებით ღრძილის გაღიზიანება), ჰორმონული ცვლილებები, სხვადასხვა მედიკამენტების მიღება, ზოგადი დაავადებები (დიაბეტი, სტრესი, ავიტამინოზი ა.შ.) და სხვ. კონკრეტულ გამომწვევ მიზეზს კლინიკა ,,დენსში’’ ადგენს ექიმი-სტომატოლოგი სპეციალური გამოკვლევების შედეგად.

პაროდონტის დაავადებების დროს აღინიშნება სხვადასხვა სიმპტომები მაგალითად ღრძილებიდან სისხლდენა (კბილების გამოხეხვის ან კვების დროს), ღრძილების შეწითლება, ღრძილების ზომაში გადიდება, კბილების მორყევა, პირიდან უსიამოვნო სუნი, ღრძილების ქავილი, კბილების ყელის გაშიშვლება, ტკივილი და ა.შ. ნებისმიერი ამ სიმპტომის გამოჩენისას აუცილებლად მიმართეთ სტომატოლოგს რათა ზუსტად დადგინდეს გამომწვევი მიზეზი, დასაწყისშივე მოხდეს მკურნალობა, რაც დაკავშირებულია ნაკლებ დროსთან, სწრაფ გამოჯანმრთელებასთან და ნაკლებ დანახარჯებთან.

პაროდონტის დაავადებების უმკურნალობის ან თვითნებურად მკურნალობის შემთხვევაში თანდათან იკრაგება ყველა კბილი და ადამიანი რჩება უკბილოდ. რთულ შემთხვევაში პროცესი ვრცელდება ყბის ძვალზე და იწვევს ძვლის დაშლას.

ასევე უნდა აღინიშნოს მწეველთა პაროდონტიტი, ეს არის ქრონიკული დაავადება (მიმდინარე ძვლის დესტრუქციით და პაროდონტის დეგენერაციული ცვლილებებით) რომელიც მიმდინარეობს შეუმჩნევლად, კლინიკური ნიშნების და ჩივილების გარეშე. მაგრამ მოწევის შეწყვეტისას მწვავდება, რაც გამოიხატება ღრძილების პროგრესირებადი ანთებით. იწყვება ღრძილების შეშუპება, ტკივილი და ჩირქოვანი ანთება. ამიტომ სასურველია მწვეველებმა დაიწყონ მკურნალობა დროულად და ადრიანად რადგან ტკივილის არარსებობა არ ნიშნავს პირის ღრუს ქსოვილების სიჯანსაღეს (უმკურნალობა საბოლოოდ იწვევს კბილების უმკტივნეულო დაკარგვას). ხოლო მათ ვინც გადაწყვეტს შეწყვიტოს მოწევა სასურველია გაიარონ კონსულტაცია და პროფილაქტიკის მიზნით გამოიყენონ სამკურნალო კბილის პასტა, სავლები და დენტალური მალამოები, რომელსაც შეურჩევს სტომატოლოგი. (მტკივნეული გამწვავების თავიდან ასაცილებლად და ქსოვილების გაჯანსაღების მიზნით).

კლინიკა ,,დენსში’’ პაროდონტის დაავადებების მკურნალობა მოიცავს რამოდენიმე ეტაპს: პირველ რიგში ხდება დაავადების გამომწვევი მიზეზის მოცილება/აღმოფხვრა, შემდეგ კბილების პროფესიული გაწმენდა, თერაპიული მკურნალობა სამკურნალო მალამოების საშუალებით, ლაზერის სხივების საშუალებით ან ვექტორის აპარატით. Vეცტორ-ის აპარატის საშუალებით შესაძლებელია მწვავე და ქრონიკული (მრავალწლიანი მიმდინარეობის) ღრძილების დაავადებების მკურნალობა ერთ სეანსში, რაც ძალიან დიდ კომფორტს უქმნის პაციენტს: ზოგავს მის დროს და იძლევა მაქსიმალურ ეფექტს. ,,დენსის’’ პაციენტებს საშუალება აქვთ ისარგებლონ მკურნალობის ამ უახლესი ტექნოლოგიით, რაც საქართველოში არც თუ ისე ხელმისაწვდომია. A
უფრო მწვავე სტადიაში გამოიყენება ლაზერის აპარატი – ჭისერ – I, რომელიც აძლიერებს ადგილობრივ იმენიტეტს, ზრდის სისხლმომარაგებას, აქვს ანთებისსაწინააღმდგეო და ბაქტერიოციდული ეფექტი. ლაზერული კიურეტაჟი დიდ ფუფუნებას წარმოადგენს პაციენტისათვის, აქვს უნიკალური შედეგები და მკურნალობა მოითხოვს ძალიან მცირე დროს.

საჭიროების შემთხვევაში ტარდება ქირურგიული ოპერაციები (ღრმა კიურეტაჟი, ნაფლეთოვანი ოპერაცია) და ექიმი პაროდონტოლოგი მექანიკურად აცილებს დაზიანებულ ქსოვილებს, აპრიალებს ჯანსაღ ქსოვილს, ათავსებს სამკურნალო მედიკამენტებს და საჭიროების შემთხვევაში ამატებს ხელოვნურ ძვალს, რათა სრულად აღდგეს პაროდონტის ბუნებრივი ფორმა და ფუნქციები. ამასთანავე ტარდება ორგანიზმის იმუნური სტატუსის გამაძლიერებელი თერაპია. მკურნალობა შესაძლებელია ჩატარდეს ერთ სეანსში ან შესაძლებელია საჭირო გახდეს რამოდენიმე ვიზიტი.
კლინიკა ,,დენსში’’ პაროდონტის დაავადებების მკურნალობას ექცევა უდიდესი ყურადღება, პაციენტებს რომლებიც იმყოფებიან დისპანსერულ აღრიცხვაზე და პროფილაქტიკის მიზნით 6 თვეში ერთხელ გადიან სტომატლოგიურ შემოწმებას კლინიკა ,,დენსი’’ სთავაზობს 50%-იან ფასდაკლებას კბილების პროფესიულ წმენდასა და პაროდონტოლოგიური დაავადებების მკურნალობაზე.

ავტორი: ექიმი-სტომატოლოგი ლალი ქოჩიაშვილი